“Titulli? Jemi Milan, mjafton kjo fjalë për të kuptuar se duam të fitojmë gjithmonë. Më pas do të shihet. Më e mira nuk ka ardhur akoma, jemi të gjithë mirë dhe unë ndihem shumë mirë”.
Këto kanë qenë fjalët e sulmuesit kuqezi Brahim Diaz për Sky Sport pas fitores së arritur në kampionat kundër Torino-s, që i kanë dhënë mundësinë Djallit të thellojë diferencat me ndjekësit në renditje.
“Jam i kënaqur për penalltinë e fituar, për asistin dhe për tri pikët. Jemi një grup shumë i bashkuar, duam të bëjmë gjëra të mëdha. E ardhmja ime? Ka një të ardhme të madhe këtu te Milan-i, jam i kënaqur që jam në një skuadër me vlerë të madhe”.
“Tani të mendojmë për të tashmen, e ardhmja do të shihet”.
