Mesfushori shqiptar, Emir Murati, i cili është pjesë e të rinjve të Milanit, mund të bëhet pjesë e Vllaznisë por për momentin palët nuk po bien dakord për kohëzgjatjen e huazimit.
Te Vllaznia janë të vendosur për të marrë mesfushorin për të paktën 1 vit, jo thjesht për pjesën e mbetur të këtij sezoni. Aventura e fundit e Muratit ka qenë te Pro Sesto në Serinë C, por nuk ka gjetur hapësira dhe është rikthyer në klubin kuqezi. Mesfushori ka lindur në Itali, por ka luajtur edhe me moshat e Kroacisë, teksa pritshmëritë për të janë të larta.
Ai luan në rolin e organizatorit, por drejtuesit e Vllaznisë kanë saktësuar se nuk u intereson një huazim vetëm 6-mujor. Ndërkohë, dje ka nisur stërvitjen me skuadrën shkodrane sulmuesi 28-vjeçar nga Guinea, Salim Cise. Ai duhet të bindë për një javë stërvitje trajnerin Tomas Brdariç, e më pas të firmosë një kontratë me Vllazninë. Me shumë gjasa qëndrimi i tij te Vllaznia do të varet edhe nga e ardhmja e Dungës. Gjithsesi, mbetet për t’u parë si do të rrjedhin ngjarjet.
