Ndodhi ajo që pritej. Rubin Hebaj ka arritur zyrtarisht marrëveshjen me Shkëndijën e Tetovës. Sulmuesi shkodran mbërriti sot në Tetovë, teksa kreu ekzaminimet mjekësore..
Në orët në vijim pritet të vijë dhe prezantimi zyrtar, ku më pas 22-vjeçari do të vihet nën urdhrat e trajnerit Ernest Gjoka.
Hebaj gjatë karrierës së tij ka luajtur për Teutën, Partizanin, Vllazninë, Vorsklën dhe Domzhalen. Kjo do të jetë eksperienca e parë e shkodranit në kampionatin e Maqedonisë së Veriut, ku shpreson të shndërrohet në një protagonist absolut me skuadrën kuqezi.
