Ish-ylli i Liverpoolit, Dietmar Hamann, ka paralajmëruar trajnerin Jurgen Klopp se Thiago Alcantara i ngadalëson ritmin lojës dhe nuk i përshtatet mënyrës se si luan Liverpooli.
“Njerëzit e pritën me shumë entuziazëm afrimin e Thiagos, por disa nga njerëzit thonë se ai i ngadalëson gjërat dhe nuk i përshtatet lojës së Liverpoolit.
“Liverpooli gjatë viteve ka patur mesfushorë shumë punëtorë, ata kanë qenë të aftë, jo aq të aftë sa Thiago, por ata e kalonin topin te Mane dhe Salah më shpejt.
“Nëse këta sulmues marrin shpejt topin në krahë, ata janë të pandalshëm. Mendoj se Thiago u prit me padurim, por do ta ketë të vështirë me ekipin kampion. Jam shumë dyshues për afrimin e mesfushorit”, – tha ai.
