Pas barazimit zhgënjyes me rrjeta të paprekura ndaj Udinezes në kampionat, Interi do të rikthehet të luajë përsëri, kësaj rradhe në çerek-finalen e Kupës së Italisë ndaj Milanit në Derbin e Madoninës e programuar të zhvillohet nesër në stadiumin “Giuseppe Meazza” me fillim nga ora 20:45. Në vigjilje të kësaj ndeshje, përpara mikrofonave të “RAI Sport”, ka folur tekniku zikaltër, Antonio Konte duke e prezantuar këtë takim:
Kupa e Italisë – “Kupa e Italisë është një kompeticion që kemi një konsideratë maksimale. Duhet të bëjmë një paraqitje si një skuadër e madhe.”
Ibrahimoviç – “Ibrahimoviç është një lojtar i rëndësishëm për Milanin, por tek kuqezinjtë nuk është vetëm ai.”
Inter-Milan – “Ndeshjen e fundit të luajtur shkuam menjëherë poshtë të dy golave dhe këtë duhet t’a rikujtojmë. Duhet të jemi më cinik dhe të vendosur, sidomos tek çështja e golit.”
Lukaku-Lautaro – “Janë disa momente që ke shumë fat dhe disa jo, e rëndësishme është që gjithmonë të ketë vetëbesim të madh dhe nga ana e tyre kjo gjë të mos dështojë kurrë.”, përfundoi trajneri i Interit, Antonio Konte.
