Mario Balotelli kthehet të flasë për veten e tij… në Instagram. Pas rehabilitimit në futboll, me ekipin e tij të ri, Monza, ka nisur “t’i vijë edhe goja”. Edhe një herë, sulmuesi nga Brescia ua beson komunikimet e tij rrjeteve sociale. Ja çfarë shkruajti së fundi: “Pra, unë do të isha në burg? Ahaha. Djema, më lejoni të qëndroj në paqe, sepse qëllimi im është që Monza të ngjitet në Serie A. Dua të jap më të mirën time për këtë ekip! Nuk ka më thashetheme budallaqe dhe gjëra inekzistente! Përkundrazi, mbështesni dhe brohorisni @acmonza, se ky është qëllimi sezonal më i rëndësishëm dhe interesant, më shumë sesa një lajm i rremë! Kaloni një ditë të mirë dhe shpresoj se isha i qartë”.
