Andreas Brehme është akoma shumë i lidhur me ngjyrat zikaltër: në katër sezone, ai ka luajtur 155 ndeshje me Inter-in, duke fituar 1 kampionat, 1 Superkupë të Italisë dhe një Kupë UEFA.
“Këtu në Mynih ka shumë milanistë dhe juventinë, por edhe disa interistë, fatmirësisht”, ka thënë ish-ylli gjerman për La Gazzetta dello Sport.
“Conte? Po, është një trajner i mirë. Po bën mirë, Inter është i pari. Por tani vjen një derbi i bukur, e para kundër së dytës. Është për të ardhur keq që do të jetë pa spektatorë, është një katastrofë, por është kështu për të gjithë. Jo vetëm në Itali”.
“Si del derbi? Unë them se do të fitojë Inter 2-1. Nuk ka rëndësi kush shënon, ka rëndësi rezultati”, ka përfunduar Brehme.
“Jam i lumtur kur Inter-i fiton”.
