Mbrojtësi nga El Salvador, Roberto Dominguez, ishte një nga afrimet e fundit të Partizanit në merkaton e janarit, teksa në ditët e fundit, lojtari është bashkuar me të kuqtë në Shqipëri.
23-vjeçari, menjëherë sapo mbërriti në vendin tonë, është vënë nën urdhrat e trajnerit Daja.
Siç ndodh me të gjithë afrimet e reja, Dominguez ka kënduar ditën e sotme para skuadrës. Pasi këndon një frazë, mbrojtësi bën disa lëvizje të çuditshme. Kaq ka mjaftuar që të gjithë lojtarët dhe stafi i Partizanit të shpërthejnë në të qeshura të mëdha.
Duket klimë tejet pozitive te skuadra e kuqe, para ndeshjes me Bylisin, e cila është planifikuar për t’u zhvilluar ditën e nesërme.
