E ardhmja e Sergio Ramos mbetet akoma e pasigurt.
Megjithatë, nëse disa javë më parë lamtumira e tij nga Real Madrid dukej e sigurt, diçka duket se ka ndryshuar në orët e fundit.
Nuk kanë dyshime për këtë në Spanjë, ku ABC dhe të gjitha mediat e tjera spanjolle sportive, kanë folur për një marrëveshje më të mundshme për rinovimin e kontratës me Los Blancos.
Nga sa mësohet, Sergio Ramos dhe Florentino Perez duke se po provojnë të gjejnë një marrëveshje. Gjatë javës duket se ka patur shumë kontakte mes palëve.
Ideja mbetet gjithmonë ajo e një kontratë dyvjeçare me shkurtimin e rrogës me 10%. Mbrojtësi duket se është i gatshëm të pranojë.
