Arsenal-i ka marrë një fitore dramatike 3-2 kundër Benfica-s në ndeshjen e kthimit të 1/16-ave të Europa League.
Topçinjtë kanë siguruar kualifikimin në 1/8-at falë një goli të Pierre-Emerick Aubameyang në minutën e 87-të. Dy gola për ish-sulmuesin e Milan-it dhe dy asiste për talentin Saka.
Ka qenë pikërisht një kombinim magjik i dyshes së mësipërme që ka zhbllokuar takimin në minutën e 21-të.
Portugezët kanë barazuar në të 43-ën me një super goditje dënimi të Goncalves dhe kanë përmbysur rezultatin në të 61-ën me Silav-n, pas një gafe të Ceballos.
Skuadra e Arteta-s është kundërpërgjigjur në të 67-ën me Tierney, para se kombinimi i radhës Saka-Auba t’i dhuronte kualifikimin me rezultatin e përgjitshëm 4-3.
