Kukësi mposhti Tiranën ditën e djeshme me rezultatin 2-0 në kryeqytet. Verilindorët shënuan nga një gol për çdo pjesë, për të marrë kështu njl fitore shumë të rëndësishme.
Megjithatë vëmendjen e të gjithëve, e tërhoqi festa e golit të parë. Pasi Agim Ibraimi shënoi nga pika e bardhë e penalltisë, e gjithë skuadra verilindore kishte një dedikim të veçantë për golin.
Ata u shfaqën para kamerave me një bluzë ku shkruhej: “U prehsh në paqë Pavli Vangjeli”. Një dedikim ky për ish-futbollistin dhe njëkohësisht vëllain e Kristi Vangjelit, i cili ndërroi jetë pak ditë më parë, për shkak të një sëmundje të rëndë.
