Nuk është hera e parë që e pranon, por tani që gjërat nuk po shkojnë shumë mirë te Dortmund, çdo zë i merkatos mund të kthehet në diçka më shumë.
Ja pse fjalët e thëna nga trajneri i Manchester United, Ole Gunnar Solskjaer për median norvegjeze VG duken shumë si baza për një operacion të ardhshëm për ta marrë Erling Haaland te Djajtë e Kuq.
“Erling do të ketë një karrierë fantastike. Po e ndjek dhe e kam thënë gjithmonë”, ka thënë tekniku i Manchester Unites.
“Nëse nuk gaboj kemi kaluar bashkë 18 muaj. Pothuajse dy vite (te Molde). Një periudhë e mrekullueshme. Jam i sigurt se do të ketë një karrierë të madhe. Ka një të ardhme të shkëlqyer përpara”.
“Ne do të bëjmë gjithçka është e mundur për t’u bërë një ekip më i mirë, njëkohësisht Haaland do të bëjë gjithçka është e mundur për t’u bërë një lojtar më i mirë. Ku do të shkojë? Nuk dua të them më shumë në lidhje me këtë. I uroj më të mirën. Zgjedhja që do të bëjë, do të varet vetëm nga ai”.