Kasia Lendardt, supermodelja, e cila u gjet e vdekur në mënyrë misterioze në banesën e vet, një javë pas ndarjes nga mbrojtësi Jerome Boateng, kishte fëmijë me një shqiptar.
Mediat e Kosovës raportojnë se e reja e njohur për pjesëmarrjen e saj në ‘Next Top Model Germany’, në vitin 2012, ka një djalë të quajtur Noah, nga marrëdhënia me 6-vjeçare me një shqiptar me origjinë nga Lipjani.
Ai quhet Artan. Dyshja janë ndarë pas lindjes së djalit dhe modelja ka vijuar jetën e saj në Berlin.
Prej një viti e gjysmë Kasia Lendardt ishte e lidhur me yllin e futbollit Jerome Boateng, por u ndanë vetëm pak ditë më parë.
Modelja u gjet e vdekur në banesën ku jetonte, pikërisht në ditën kur djali i saj do të festonte ditëlindjen.
Shkaqet e vdekjes janë ende mister, por mendohet që ajo të ketë vrarë veten nga sulmet e shumta që ka marrë nga fansat e Boateng.
Kjo, pasi Kasia e kishte akuzuar ish-të dashurin për tadhti, shantazh dhe e kishte cilësuar atë djall.
Madje ajo kishte thënë se do të fliste më vonë dhe do të tregonte detaje se çfarë ndodhi mes saj dhe Boateng.
