Ballkani i Bledi Shkëmbit merr kryesimin e kampionati kosovar të futbollit. Skuadra nga Suhareka mposhti me rezultatin 1-0, Feronikelin, në takimin e vlefshme për javën e 20-të. Një “derbi” mes 2 trajnerëve shqiptarë, Shkëmbi dhe Klodian Duro, ku në fund triumfoi ai korçar, falë golit të Dakut me kokë në minutën e 82-të pas harkimit të Krasniqit.
Me këtë 3 pikësh, Ballkani u ngjit në vendin e parë me 44 pikë, po aq sa Drita e vendit të dytë, teksa Feronikeli mban vendin e gjashtë me 24 pikë.
Ky ishte goli i 22-të për bomberin e skuadrës së drejtuar nga Shkëmbi. Ndërkohë sfida tjetër e ditës së sotme ajo mes Llapit dhe Gjilanit përfundoi me rezultatin 3-1 në favor të skuadrës nga Podujeva. Prençi, Zhdrella dhe Shabani ishin autorët e golave për vendasit, teksa Progni realizoi golin e nderit për skuadrën e Gjilanit.