Liverpool nuk po zhvillon një sezon të mirë dhe sikur të mos mjaftonte kjo, nuk ndalen as zërat në lidhje me të ardhmen e Mohamed Salah, i cili jepet shpesh drejt Real Madrid ose Barcelona.
Jurgen Klopp ka folur për të ardhmen e egjiptianit në një intervistë të dhënë për Liverpool Echo.
“Salah është një lojtar i jashtëzakonshëm. Shifrat flasin për të, nuk është e domosdoshme që unë të shtoj gjë tjetër. Ai nuk është vetëm një golashënues, por është përmirësuar shumë si futbollist”, ka thënë Klopp.
“Është një lojtar shumë, shumë i rëndësishëm për ne dhe shpresojmë të jetë kështu për një kohë të gjatë”.
