Mënjanimi nga trajneri Mauricio Poçetino ka irrituar në maksimum mbrojtësin e majtë të parizienëve Miçel Baker. 20-vjeçari holandez është revoltuar me zgjedhjen si lojtar i tretë në krahun e majtë të prapavijës pariziene nga tekniku agjentinas. Dhe të gjithë zemërimin ai e ka shfryrë gjatë ndeshjes së djeshme kundër Dijonit.
Në momentin, kur ai u thirr për nxehmje, ish-lojtari i Ajaksit u largua i zemëruar duke goditur stendën. Stafi teknik i ka kërkuar Bakerit të kthehet te pankina. Pas disa minutash, holandezi ka reflektuar dhe është kthyer duke kërkuar falje.
Edhe pse incidenti nuk u ka pëlqyer aspak drejtuesve të PSG-së, mendohet se nuk do të merret disiplinore për lojtarin pasi kërkoi falje.
Baker ka qenë zgjedhje e parë në krahun e majtë të PSG-së gjatë kohës kur ekipi drejtohej nga Tomas Tuhel. Tekniku i ri Poçetino e ka zhvendosur pas duke e lënë si zgjedhje e tretë për krahun e majtë të repartit të mbrojtjes.
