Basketbollisti LeBron James, në ndeshjen që Lakers luajtën sot ndaj Brooklyn (fituan Nets 109-98) arriti kuotën e 35 mijë pikëve në karrierën e tij në NBA. “King James” bëhet kështu basketbollisti i tretë që arrin këtë shifër.
Në krye të renditjes së shënuesve më të mirë ndodhet Kareem Abdul-Jabar me 38.387 pikë, ndërsa i dyti është Karl Malone, me 36.928 pikë. Për fat të keq, LeBron James nuk arriti ta festojë këtë arritje, pasi Lakers e humbën këtë sfidë.
Në “top-5” janë edhe dy ikona të NBA-së, si Kobe Bryant (i katërti me 33.643 pikë) e Michael Jordan (i pesti me 32.292 pikë).
LeBron joins the 35K+ points club 😤 pic.twitter.com/S0gmnurxeU
— SportsCenter (@SportsCenter) February 19, 2021
