Teo Hernandez është një nga lojtarët më të mirë të Milanit, për këtë sezon, ku kuqezinjtë i kanë surprizuar të gjithë, duke kryesuar kampionatin.
Mbrojtësi i majtë, ka rrëmbyer zemrat e tifozëve të Milanit, me paraqitjet e shkëlqyera. Megjithatë një detaj i zbuluar së fundmi, mund të bëjë që shumë tifozë të mërziten me futbollistin. Partnerja e Teo Hernandez, Zoe Kristofoli, ka postuar një foto të lojtarit në “Instagram”, por vëmendjen e të gjithëve e ka tërhequr një detaj tjetër.
Në shtëpinë e futbollistit, vihet re një fanellë e Juventusit mbi dollap. Sigurisht fanella do jetë nga një ndeshje e Milanit me Juventusin, ku mbrojtësi kuqezi e ka shkëmbyer fanellën me kundërshtarët.
