Mauro Icardi, i cili nuk do të jetë në dispozicion për transfertën e PSG në Dijon, në program këtë të shtunë, për shkak të një gastroenteriti, ka shqetësuar rrjetet sociale.
Në fotografinë e publikuar në Instagram, që ka bërë menjëherë xhiron e internetit, argjentinasi shfaqet i shtrirë në krevat duke marrë oksigjen.
Në fakt, bëhet fjalë për një metodë origjinale për të rikuperuar më shpejt nga lodhja e akumuluar.
Ka qenë Wanda Nara, gruaja e Icardi-t, që ka qetësuar tifozët, duke publikuar në Instagram një fotografi të darkës dhe duke shkruar: “Ushqim i thjeshtë dhe i shëndetshëm, zbrit të hash i dashur”.
