Presidenti i Tiranës, Refik Halili, në mesjavë shkundi senatorët dhe skuadrën për paraqitjet e dobëta që ekipi ka bërë dy javët e fundit.
Ditët e fundit ai është takuar kokë më kokë me të gjithë lojtarët, duke i ndarë në grupe. Përballja më e fortë ka qenë me senatorët e ekipit, ata që janë liderët e skuadrës dhe që normalisht duhet të marrin për dore ekipin.
Në takimet që presidenti ka pasur me futbollistët u ka rrëfyer lojtarëve që gjendja në renditje nuk është e mirë dhe skuadra është shumë poshtë në renditje dhe për këtë qëllim duhet të fitojnë. Halili mësohet se mund t’u japë një premio lojtarëve nëse mundin Vllazninë në Shkodër.
