Dani Olmo ka folur për jetën e tij të re dhe projektet e së ardhmes në një intervistë të dhënë për Bild.
“Ka qenë një viti mirë, por mund të përmirësohem akoma në gjithçka. Në fillim nuk kam qenë i kënaqur me aktivizimin e pakët. Kështu që më është dashur të punoj më shumë në stërvitje”, ka thënë Olmo.
“Trajneri më ka dhënë një mundësi pas ndërprjerjes së ndeshjeve për shkak të Covid dhe unë e kam shfrytëzuar”.
Në lidhje me sfidën e Champions League kundër Liverpool-it dhe atë mes Nagelsmann kundër Klopp:
“Nuk besoj se Julian është shumë i shqetësuar për këtë përballje, Duhet të qëndrojmë të bashkuar të jemi të rrezikshëm. Kemi një mundësi dhe jemi një skuadër e mirë, duam t’ia tregojmë Liverpool-it dhe gjithë botës”.
E ardhmja në la Liga: “Do të gënjeja nëse do të thoja se nuk është objektivi im që të luaj një ditë në vendin tim. Por ka kohë, jam vetëm 22 vjeç. Nuk mendoj për këtë”.
“Jam i përqendruar te Leipzig, siç kam thënë disa herë. Jam këtu vetëm prej një viti dhe mund të përmirësohem akoma”.
