David Alaba do të bëhej lojtari më i paguar në Angli në rast se do zgjedhë të shkojë te Çelsi në verë. Mbrojtësi i Bajernit konfirmoi largimin e tij nga kampionët e botës në fund të këtij sezoni, pasi i skadon kontrata. 28-vjeçari kërkonte një rrogë shumë të lartë, deri në 400 mijë në paund dhe gjermanët nuk pranuan që të prishnin ekuilibrat.
Dhe kështu një numër i madh gjigantësh në Europës janë në garë për të siguruar shërbimet e një kampioni me parametër zero. Reali i Madridit, Çelsi dhe Siti janë klubet favorite për të transferuar austriakun. Trajneri i Çelsit, Tomas Tuhel, është një admirues i Alabës, i cili mund të luajë në krah të majtë të mbrojtjes së tij me tre vetë.
Por për ta transferuar në “Stamford Bridge”, blutë e Londrës duhet të paguajnë rrogë stratosferike të 400 mijë sterlinave në javë, çka do të thotë se duhet ta bëjnë futbollistin më të paguar në Premier Ligë. Aktualisht, lojtari më i paguar është portieri i Mançester Junajtidit, David de Gea, me 375 mijë paund në javë. Pas spanjollit renditet kapiteni i Arsenalit, Pierr-Emerik Obamejang me 350 mijë paund në javë.
