Trajneri i Barcelonës, Ronald Kuman foli për të ardhmen e Lionel Mesit, të cilit i skadon kontratën e tij me katalanasit në qershor, dhe për këtë në konferencën për shtyp të mbajtur në prag të ndeshjes ndaj Betisit në kampionat, tekniku holandez deklaroi se dëshiron ta ketë si lojtar yllin argjentinas por të ardhmen e vendos vetë ai:
“Vetëm Mesi mund të vendosë për të ardhmen e tij. Padyshim që do ta dëshiroja që ai të qëndrojë këtu për shumë vite të tjera dhe të ishte i lumtur.
Sepse nëse Mesi është i lumtur siç është tani, ai i jep një cilësi të shkëlqyer ekipit dhe ne kemi nevojë për të. E ardhmja është në duart e tij.”