Java që shkoi ishte tepër problematike për sa i përket kushteve klimaterike, teksa reshje të dendura të dëborës, mbuluan thuajse të gjithë territorin e Republikës së Shqipërisë. Kësisoj u bë e pamundur zhvillimi i aktiviteteve futbollistike në Kategorinë e Parë. Takimi i vetëm i luajtur, edhe pse në një terren tepër të rënduar, ishte ai mes Erzenit dhe Orikut.
Për sa i përket axhendës për ndeshjet e tjera të javës së 11-të, FSHF ka planifikuar që të luhen të shtunën dhe të dielën më datat 20 dhe 21 shkurt. Dy sfida do të zhvillohen ditën e shtunë dhe 4 të tjerat ditën e diel.