Transferimi i Theofilius Solomon tek Al Qadsia ishte një nga daljet e Partizanit në merkaton e janarit. Pasi shënoi tre gola në dy fazat e para të Superiore, sulmuesi pritej t’i bashkohej Lorenc Trashit në Kuvajt dhe ishte praktikisht gjithçka e mbyllur.
Prej raporteve të mira me klubin, u arrit edhe ndërprerja e kontratës me konsensus, në mënyrë që sulmuesi të transferohej jashtë Shqipërie. Solomon do të nisej ditën e diel, me datë 21 shkurt drejt Kuvajtit, por ngjarja e ndodhur ditën e 17 shkurtit nuk do ta lejojë 25-vjeçarin të largohet, pa zgjidhur gjithçka në Gjykatën e Apelit të Tiranës. E ardhmja e Solomon është pezull…