Trajneri Neil Lenon, ka dhënë dorëheqjen nga drejtimi i Sëlltikut. Shkak janë bërë rezultatet zhgënjyese, teksa skuadra e tij është plotë 18 pikë mbrapa nga kryesuesit e Rejnxhërs. 49-vjeçari, u emërua trajner i kampionëve në fuqi të Skocisë, në maj të vitit 2019 kur Brendan Roxhers u largua.
Objektivi i Sëlltik, ishte fitimi i kampionatit për herë të 10-të rresht, por mesa duket gjërat nuk kanë shkuar ashtu siç priteshin. Lajmi për dorëheqjen e trajnerit Lenon, është konfirmuar nga vetë klubi skocez nëpërmjet një postimi në faqen zyrtare. Pas largimit të tij, skuadra do të drejtohet nga Xhon Kenedi, i cili ishte asisteni i 49-vjeçarit.
