Një tjetër lajm i keq për skuadrën e Torinos. Pas pozitivitetit të dy lojtarëve dy ditë më parë, klubi i Torinos me anë të një komunikate në sajtin e saj zyrtar ka deklaruar se edhe një lojtar tjetër është infektuar me koronavirus.
Emri i lojtarit nuk bëhet i ditur dhe sipas klubit granata futbollisti është totalisht asimptomatik dhe është vetë-karantinuar sipas të gjithë protokolleve anti-COVID të Autoriteteve përkatëse Shëndetësore.
KOMUNIKATA ZYRTARE E KLUBIT TË TORINOS –
“Gjatë kontrolleve të testeve anti-COVID me tampon, pas dy lojtarëve dy ditë më parë, klubi i Torinos njofton pozitivitetin të një lojtari tjetër me COVID-19. Futbollisti ynë është totalisht asimptomatik dhe është vetë-izoluar sipas protokolleve anti-COVID të Autoriteteve Shëndetësore. Lojtari do të monitorohet çdo ditë nga stafi mjekësor i klubit.”