Robin Gosens është një nga objektivat kryesorë të Juventus-it për sezonin e ardhshëm.
Për këtë është e sigurt La Gazzetta dello Sport, që ka shkruar në faqen e parë se Zonja e Vjetër do të hidhet në sulm për gjermanin e Atalanta-s.
Skuadra e Pirlo-s është mbuluar në krahun e djathtë të mbrojtjes me Danilo dhe Cuadrado, ndërsa nuk ka një alternativë të vërtetë për Alex Sandro në krahun e majtë.
Pikërisht braziliani, autor i një sezoni jo shumë të mirë, mund të shitet për t’i bërë vend gjermanit kostoja e të cilit është rreth 40 milionë euro.
Mes objektivave të tjerë të Juventus janë edhe Manuel Locatelli i Sassuolo-s dhe Arek Milik i Marseille.
