Kingslei Koman është heroi i Bajernit në finalen e Champions-it e luajtur në gusht të vitit të kaluar. Goli i francezit ndaj Parisit në Lisbonë ishte më i rëndësishmi në karrierë për lojtarin.
Ky sezon ishte shumë domethënës për të, pasi nuk ka pasur dëmtime duke treguar një performancë të mirë me skuadrën e Hansi Flikut. Trajneri 56-vjeçar ka ulur në stol Leroi Sane i cili erdhi me bujë në verë nga Siti.
Por, në media e ardhmja e Komanit në Mynih është vënë në pikëpyetje. Kjo, pasi lojtari ka kërkuar një rrogë më të lartë duke vënë në dyshim rinovimin e tij. Hasan Salihamixhiç ka nisur menjëherë punën për të bindur lojtarin që të firmosë një kontratë të re e cila do të skadojë në vitin 2025.
