Hakan Calhanoglu gjendet mes shumë pikëpyetjeve së fundmi, ku edhe pse ka zhvilluar një sezon fantastik me Milanin, ende nuk ka rinovuar kontratën, që i përfundon në verë.
Turku për momentin është në grumbullim me Kombëtaren e tij për eliminatoret e Botërorit. Nga grumbullimi, Calhanoglu ka folur për mediat, ku një moment zbuloi edhe një sekret që nuk e kishte thënë më parë.
Fantazisti i Milanit rrëfeu se është tifoz i Galatasarayt, madje ka edhe tatuazh simbolin e luanit, që personifikon klubin turk dhe tifozët e saj. “Kam luanin si tatuazh sepse jam një tifoz i Galatasaray. Shpresoj që një ditë në të ardhmen të luaj atje, pse jo?”, përfundoi Calhanoglu.
