Ka realizuar 59 gola në 85 sfida totale me Interin në këto dy sezone, dhe menjëherë Romelu Lukaku ka qenë protagonist me zikaltërit ku dhe shumë klube të tjera europiane i kanë vendosur syrin.
Sipas asaj që raporton britanikja “The Telegraph”, në orët e fundit pas bomberit belg është vendosur edhe klubi i Çelsit, ku më parë ka qenë pjesë e kësaj skuadre, ekzaktësisht në vitin 2012 ku u transferua nga Anderlekti në drejtim të bluve të Londrës.
Klubi i Roman Abramoviç alternativë të parë ka sulmuesin norvegjez të Borusias së Dortumundit, Erling Haland, por nëse tratativa nuk do të shkojë si duhet atëherë opsioni “B” është pikërisht Romelu Lukaku i cili ka patur një impakt tepër pozitiv me Interin por mbi të gjitha edhe me Serinë A italiane.
