Këtë fundajvë do të luhet derbi i kryeqytetit mes Tiranës dhe Partizanit, ku të dyja ekipet do të kërkojnë të marrin fitoren.
Shpesh para ndeshjeve derbi nuk kanë munguar thumbimet nga lojtarë dhe ish-lojtarë të të dy ekipeve. Edhe këtë herë ka qenë Xhevahir Sukaj, i cili ka menduar të ngacmojë bardheblutë.
Sulmuesi shkodran, i cili në të kaluarën ka qenë pjesë e Partizanit, ka postuar një video nga një derbi i zhvilluar në stadiumin e parë “Qemal Stafa”. Në shkrimin mbi videon Sukaj shkruan: “Java e krimit. Për jetë me ty Partizan”.
Kujtojmë se Sukaj ka luajtur me Partizanin nga viti 2015 deri në vitin 2018, teksa gjithashtu në Superiore ka luajtur edhe me Vllazninë, Laçin dhe Flamurtarin.
