Antonio Rudiger mund të ishte larguar nga Chelsea në merkaton e kaluar. Këtë e ka treguar vetë mbrojtësi, siç ka raportuar BBC.
“Sinqerisht, isha pak i shqetësuar. Askush nuk më ka thënë se duhej të largohesha, por pozicioni im në klub dhe aktivizimi i pakët nuk më kanë bërë të ndihem mirë”, ka thënë Rudiger.
“Kanë qenë dy skuadra që më kanë kërkuar, por unë po merrja në konsideratë kryesisht PSG-në. Tjetra ishte Tottenham. Kam folur një ehrë edhe më Mourinho-n, por në fund nuk është bërë asgjë”.
Me ndryshimin e trajnerit, dhe marrjen e drejtimit të skuadrës nga ana e Tuchel, Rudiger është bërë titullar me 11 nga 12 ndeshje të nisura nga minuta e parë:
“Tani gjërat po shkojnë mirë për mua. Jam i kënaqur. Por e përsëris: jam ndier gjithmonë mire te ky klub. Më kanë trajtuar gjithmonë mirë”.
