Me largimin e Muçit, Çelhakës e Ismajlgecit, por edhe nëntë lojtarëve të tjerë pa kontratë Tirana ka dy mundësi: të afrojë lojtarë të rinj nga kampioanti dhe jashtë, por edhe të hedhë sytë nga akademia.
Vrapi, Musai, Kuka, Stafa, Kodra, Gjumsi, Malo e ndonjë tjetër kanë luajtur apo stërviten me Tiranën. Ashtu si edhe treshja që afroi Ze Maria në 2017-2018-ën Çelhaka, Muçi e Ismajlgeci ata duhet të kenë minuta në këmbë.
Vrapi ka luajtur në Superiore, ndërsa të tjerët duan dorë, por që të jenë gati, duhet të aktivizohen pak nga pak këtë sezon. Dede e nisi një punë të tillë, por u largua i detyruar nga rezultatet, ndërsa Tirana nëse nuk bazohet te të rinjtë do të përballet me një hemorragji në skuadër.
