Juventusi nuk po kalon një moment pozitiv. Infektimi me Covid-19 i mesfushorit Rodrigo Bentankur e ka komplikuar edhe më shumë situatën kur dihet që përpara janë edhe dy sfida delikate kundër Lacios në kampionat dhe Portos për raundin e dytë të Ligës së Kampioneve. Trajneri Andrea Pirlo foli sot në një konferencë për shtyp para ndeshjes me Lacion, ku preku pikat më problematike të momentit duke bërë dhe një vlerësim të situatës.
NDESHJA NDAJ LACIOS – “Lacio është një ekip i shkëlqyer ku kanë luajtur së bashku për 5-6 vjet pak a shumë të njëjtët lojtarë, ata e njohin njëri-tjetrin mirë dhe rezultatet flasin për ta. Ne e dimë që takojmë një ekip që do të luftojë deri në fund me lojtarë shumë të mirë në menaxhimin e topit.”
MUNGESA E BENTAKUR -“Më vjen shumë keq për mungesën e Bentankur, nuk është se kemi shumë alternativa, por do të shpikim diçka.”
MBROJTJA -“ Bonuçi ishte pjesë e trajnimit sot pas 16 ditësh mungesë, nuk ka asnjë mundësi që ai të fillojë nga fillimi nesër ndërsa De Ligt nuk është trajnuar ende, dhe do të shohim se si do të jetë nesër.”
RONALDO – “Kur luan gjithë kohën, një ose dy ditë pushimi është i mirë. Ronado ka treguar se ai është një profesionist i shkëlqyeshëm, gjithmonë duke dhënë një shembull edhe jashtë fushës.”
MORALI – “Ndeshjet janë të gjitha të rëndësishme, nesër do të kemi një ndeshje kundër Lacios e cila është gjithashtu e rëndësishme për renditjen. Entuziazmi është atje, sepse ne po përballemi me ndeshje të vështira dhe të rëndësishme. Ne vlerësojmë aspektin tekniko-taktik. ”
TITULLI – “Asgjë nuk ndryshon për ne, nëse Interi gjithmonë fiton atëherë ata do të fitojnë kampionatin, nëse bëjnë disa hapa të gabuar do të duhet të jemi të gatshëm të mos bëjmë kurrë gabime. Por kjo është normale.”
