Një skandal i zbuluar në tetor të 2020, si duket do ti kushtojë shumë rënde ekipit të Lacios, teksa mund të përballet me ulje pikësh në klasifikimin e Seria A, dhe rrezikon të marrë një gjobë të majme prej 200 mijë eurosh.
Në tetor të 2020, gjatë testeve të Covid-19 të kryera para ndeshjes me Klub Bryzhin në Ligën e Kampionëve, Çiro Imobile dhe Lukas Leiva rezultuan pozitiv me koronavirus, teksa tamponët e dy ditëve më përpara në sfidën kundër Torinos kishin dalë të gjithë negativë.
Prokuroria italiane nisi një hetim për mashtrim nga ana e skuadrës laciale në atë kohë, dhe tani mund të përballet me një dënim të ashpër.
Prokurori i çështjes ka kërkuar gjobë 200 mijë euro për ekipin e Lacios, 1 vit pezullim nga aktiviteti për presidentin e ekipit, Klaudio Lotito dhe 16 muaj pezullim për dy mjekët e ekipit që publikuan rezultatet e tamponëve. Vendimi pritet të merret në ditët në vazhdim.
