Endri Çekiçi vazhdon të shkëlqejë në elitën e futbollit turk, teksa ditën e sotme ka gjetur rrugën e rrjetës me skuadrën e Ankaraguxhu.
Pogradecari ka shënuar golin e tretë të ndeshjes, në fitoren 3-0 ndaj Goztepe. Pasi merr një top në hyrje të zonës nga Kiçiu, Çekiçi lëshon një gjuajtje të fortë me të djathtën, e cila ndalet në fundin e rrjetës, për të vulosur kështu ndeshjen.
Një gol ky i Çekiçit që vjen para ndeshjeve të Kombëtares, ku Shqipëria nga data 25 deri në 31 të këtij muaji do luajë me Andorrën, Anglinë dhe San Marinon. Mesfushori i dërgon kështu një mesazh trajnerit Edi Reja për një ftesë për kualifikueset.
