Barcelona ka marrë një lajm shumë të keq ditën e sotme, teksa sipas gjasave pritet që Ansu Fati të kryejë një tjetër operacion. Talenti i madh i sulmit është dëmtuar që në muajin nëntor të vitit të shkuar.
Dëmtimi pritej të zgjaste rreth 3 muaj, por duket se çdo gjë ka dalë jashtë parashikimeve. Mediat në Katalonjë kanë nisur të raportojnë se Ansu Fati do të duhet të kryejë një tjetër operacion. Nëse diçka e tillë ndodh, atëherë 18-vjeçari do të humbte jashtëzakonisht shumë.
Përveç pjesës së mbetur të sezonit me Barcelonën, Ansu Fati rrezikon seriozisht të humbasë edhe Europianin me Kombëtaren spanjolle.
