Juventus dhe Barcellona, pasi kanë qenë aleate në tavolinën e Superligës, mund të sfidohen në merkato.
Sipas spanjolles Sport, përfaqësuesit e Dembele duket se po negociojnë me Juventus-in për ta transferuar francezin në Torino me kosto zero në vitin 2022.
Pengesat e vetme mbeten komisionet dhe rroga e Dembele, i cili kërkon një rritje në krahasim me atë që fiton aktualisht te katalanasit.
Barcelona është akoma në pritje të një përgjigje për ofertën që i ka bërë dy javë më parë lojtarit për rinovimin e kontratës dhe nëse Dembele do të refuzojë, atëherë klubi do provojë ta shesë në verë për rreth 50-60 milionë euro.
Francezi u transferua nga Dortmund te Barcelona në 2017-ën për 135 milionë euro.
