Një nga lojtarët më në formë të momentin te Barcelona është Ousmane Dembele. Gjithsesi, forma momentale nuk mund ta shlyejë dështimin e madh që ka patur francezi që nga koha që u ble nga Dortmundi.
Hija e largimit nga Barcelona qëndron ende te Dembele, madje në një intervistë të dhënë së fundmi, francezi i ka shkelur syun Chelseat. Sulmuesi është shprehur se Tomas Tuchel është një nga trajnerët e preferuar të tij dhe kaq ka mjaftuar që tifozët e Chelseat të bëhen me krahë.
Në Angli kanë nisur të spekulojnë se drejtuesit e Chelseat mund të zbarkojnë në javët e ardhshme në Barcelonë për të nisur bisedimet rreth një transferimi të mundshëm të Dembele në “Stamford Bridge”.