Një karrierë me valixhen gjithnjë gati ajo e Emanuel Frimpongut. Ish-mesfushori i Arsenalit, përveç dy viteve në Rusi (2014-2016), tek skuadra e Ufa-s, ka ndryshuar gjithnjë skuadër çdo sezon. I rritur te të rinjtë e Arsenalit, në marsin e 2019-ës, ai vendosi të varte këpucët në gozhdë në moshën 27-vjeçare.
I intervistuar nga “Sport24.ru”, Frimpong ka zbuluar disa nga prapaskenat e karrierës së tij, aventurat në Rusi dhe dëshirat për të ardhmen. “Nga Rusia më befasoi më shumë gjendja e rrugëve, të cilat janë shumë të këqija. Unë kam jetuar shumë kohë në Angli dhe rrugët janë të mrekullueshme kudo.
Por kur erdha tek Ufa mbeta i shokuar për një tjetër gjë: në Rusi futbollistët janë gjithnjë në formë, por e vërteta është se në mëngjes pinë vodka dhe pastaj vrapojnë si Usain Bolt. Do të doja të kthehesha tek Ufa dhe bëja aktorin pornografik me 20 vajza tatare. Vajzat ruse janë shumë të bukura”.
