Ditën e djeshme Mançester Junajtid nuk shkoi më shumë se barazimi 0-0 kundër Lidsit të Marselo Bielsës, ndeshje kjo ku ‘’djajtë’’ treguan një formë të dobët ku nuk munguan dhe incidentet brenda ekipit të Solskjaer.
Sipas asaj që raportohet, kapiteni Meguajër i është drejtuar mesfushorit Fred me fjalët ‘’Idiot m**i’’ dhe ky episod është kapur nga kamerat dhe bëri shumë bujë. Për të ulur gjakrat mendoi trajneri Solskjaer i cili në lidhje me incidentin u shpreh se skuadra kërkon shumë nga njëri tjetri.
‘’Ne kemi një grup që kërkojnë shumë njëri-tjetrin. Standardi është i lartë, si në stërvitje ashtu edhe në lojë.
Kjo nuk ka të bëjë vetëm me të qenit një djalë i mirë, por ne kërkojmë përpjekje maksimale nga të gjithë’’, u shpreh tekniku norvegjez.