Teksa ditën e sotme u luajtën edhe ndeshjet e fundit për javën e 26-të në Kategorinë Superiore, tashmë është zbuluar axhenda edhe për javën e 27-të.
Padyshim kryesfida e kësaj jave është përballja mes Laçit dhe Vllaznisë, një ndeshje ku përballen dy skuadra, të cilat janë rivale për titullin kampion. Kjo sfidë është programuar të zhvillohet ditën e shtunë më 10 prill, duke filluar nga ora 113:00.
Në të njëjtën ditë dhe orar do të luhet edhe një tjetër sfidë interesante, siç është ajo mes Skënderbeut dhe Tiranës në Korçë. Të shtunën duke filluar nga ora 13:00 do të luhet edhe ndeshja mes Apolonisë dhe Teutës në Fier.
Të dielën, do të zhvillohen dy sfidat e fundit të javës së 27-të. Fillimisht në 13:00 do të luhet Kastrioti-Kukësi, ndërsa në 16:00, luhet përballja Partizani-Bylis.
Kategoria Superiore/ Java 27-të
E shtunë, 10 prill
Laçi-Vllaznia 13:00
Skënderbeu-Tirana 13:00
Apolonia-Teuta 13:00
E diel, 11 prill
Kastrioti-Kukësi 13:00
Partizani-Bylis 16:00
