Chelsea ka bërë të ditur se ka dënuar një tifoz për shprehje antisemite në rrjetet sociale.
Klubi i Londrës ka njoftuar me një komunikatë në faqen e klubit se ka përjashtuar për 10 vitet e ardhshme nga Stamford Bridge një tifoz për shkak të disa mesazheve të publikuara.
“Pas hetimeve të zhvilluara nga klubi mbi këtë çështje dhe ka marrë vendimin për ta përjashtuar tifozin e Chelsea-t për një periudhë prej 10 vitesh”, lexohet në komunikatën e klubit.
“Lojtarët tanë, stafi, tifozët tanë vijnë nga kultura të ndryshme, duke përfshirë edhe komunitetin hebraik, dhe duam t ë garantojmë që të gjithë të ndihen të sigurt, të vlerësuar. Nuk do të tolerojmë asnjë sjellje nga ana e tifozëve që kërcënon këtë objektiv”.
