Futboll Shqipëri Sport

SEZON PËR TU HARRUAR/ Mesfushori Memushaj do të kryejë ndërhyrje kirurgjikale në gju, ja sa do të mungojë…

Ky është një sezon i pafat dhe për t’u harruar sa më shpejt. Bëhet fjalë për Ledian Memushajn. Mesfushori i Kombëtares do të kryejë sot një ndërhyrje kirurgjikale në gju, për të shmangur dhimbjet dhe shqetësimet që e ndjekin prej kohësh. Mediat italiane bëjnë me dije se futbollisti i Kombëtares do të kryejë nesër ndërhyrjen nga profesor Vinçenco Salini, shefi i stafit mjekësor në skuadrën e “Delfinëve” si dhe ortopedi kryesor në spitalin “San Rafaele”.

Me këtë ndërhyrje për pastrimin e gjurit, sezoni për mesfushorin vlonjat përfundon këtu dhe koha e rikuperimit pritet të variojë nga 4 muaj deri në gjashtë të tillë. Ledian Memushaj pati dëmtim dhe shqetësime në gju edhe në fazën e parë të sezonit dhe u gjet një zgjidhje mjekësore pa ndërhyrje kirurgjikale për shmangien e dhimbjeve. Lojtari kreu periudhën e rikuperimit. Sapo u kthye në fushë për të kërkuar kapjen e formës më të mirë, kaloi COVID-in dhe u desh të qëndronte afro 30 ditë në karantinë, për shkak se i zgjati së tepërmi periudha që rezultonte pozitiv.

Tani që lojtari u rikthye, ishte edhe në ndeshjet e fundit të Kombëtares, atij i përsëriten edhe një herë tjetër dhimbjet në gju. Para ndeshjes në San Marino, Memushaj u testua dhe u njoftua fillimisht në formacionin titullar, mirëpo pak minuta para nisjes së ndeshjes u bë edhe largimi i tij nga protokolli, për shkak të gjendjes fizike të pamundur.

Related posts

Guardiola nuk di të ndalet, gati dy përforcime gjatë merkatos së Janarit

Q.Autor

Zhbllokohet shpejt takimi në Shkodër, Vllaznia ndëshkon Laçin

Sadik.Autor

REVOLUCION TEK MANCHESTER UNITEDI/ Solskjaer gati 6 largime “veteranësh” në fund të sezonit, ja lista me emrat

Delo.autor

Leave a Comment