Ish-mesfushori i Kombëtares shqiptare, Valon Ahmedi ka gjetur rrugën e rrjetës ditën e djeshme në fitoren e thellë të Shahtjor Soligorsk në Bjellorusi ndaj Islok, me rezultatin 4-0.
Futbollisti shqiptar ka shënuar golin e tretë të ndeshjes, në minutën e 54’, teksa pas një kundërsulmi perfekt, Podstrelov, jep një pasim perfekt në zonë, aty ku Ahmedi nuk fal, duke gjuajtur bukur për ta ndalur topin në fundin e rrjetës.
Kujtojmë se ky është goli i parë i Ahmedit me Shahtjor Soligorsk, me të cilët u bashkua në merkaton e janarit nga Shkëndija e Tetovës. 26-vjeccari është duke kaluar një moment shumë të mirë në karrierë, teksa përveç golit të sotëm, prej 5 ndeshjesh është një titulluar i padiskutueshëm në Bjellorusi.