Super Liga po përpiqet që të ftojë sa më shumë ekipe në përbërje të saj në mënyrë që të krijojë një garë sa më kompetitive.
Sipas mediave në Itali, mbrëmjen e djeshme banka JP Morgan e cila merret me financimin e Super Ligës u ka dërguar një ftesë klubit të Serisë A, Napolit.
Përgjigja nga klubi ka qenë menjëherë ‘’Jo’’, teksa ka pasur reagime të ndryshme lidhur me këtë çështje. Presidenti i Napolit, De Laurentis, postoi në ‘’Twitter’’ një status ku shkruhej ‘’Cila JP? Natën e kaluar po flija’’, duke ju referuar faktit se ftesa nga banka financuese e Ligës së re i ishte dërguar në orët e vona.
