Në minutën e 71 të gjysmëfinales së Kupës së Gjermanisë, ku Borusia e Dortmundit triumfoi me rezultatin e thellë 5-0 ndaj Holstein Kiel, talenti 21-vjeçar i verdhezinjve, Matjë Morej u dëmtua rëndë në këmbën e djathtë pasi nuk e vendosi mirë në tokë.
Mbrojtësi u shtri përtokë dhe u përfshi nga të bërtiturat e dhimbjes prej disa minutash. Ajo që ra më shumë në sy ishte reagimi i Erling Haland i cili ishte duke e ndjekur këtë sfidë nga tribuna dhe reagimi i tij ishte shumë i trishtë për këtë dëmtim të rëndë të pësuar nga shoku i tij i skuadrës.
