Pasi përfundoi kontratën me Antonio Konten dhe pasi humbi duelin me Juven për Maksimiliano Alegri, një skenar i ri është zbuluar për të ardhmen e trajnerit të ardhshëm të Interit.
Sipas asaj që raporton “Corrieredellosport.it’’, Simone Inzagi është kandidatura më e nxehtë për momentin për të marrë drejtimin e skuadrës zikaltër dhe çdo gjë momentalisht duket afër fundit.
Trajneri i Lacio mbrëmjen e djeshme darkoi me presidentin Lotito dhe drejtorin sportiv Igli Tare, ku u arrit marrëveshja e rinovimit dhe për tre vite të tjera me një rrogë 2.2 milionë euro në sezon, ndërsa sipas raportimeve Interi i ka ofruar një marrëveshje me 3.9 milionë euro në sezon.
Megjithatë, marrëveshja nuk u bë zyrtare dhe ngeli çdo gjë në kuadrin e raportimeve.
Agjenti i Inzagit, Tulio Tinti i cili është gjithashtu dhe agjenti i futbollistit të Interit, Alesandro Bastoni, ndodhet momentalisht brenda zyrave të Interit për të mbyllur një marrëveshje të mundshme me klubin zikaltër.
Drejtuesit e Interit po kërkojnë një trajner të nivelit mesatar dhe profili i Inzagit duket se është i duhuri.