Edhe pse puna e tijë do të fillojë sezonin tjetër, trajneri Zhoze Murinjo ka nisur menjëherë të studiojë skuadrën e tij të re duke analizuar skuadrën nëpërmjet disa videove nga momentet më të mira të lojtarëve të Romës.
Në videon e postuar nga vetë Murinjo në “Instagram”, portugezi gjendet me një laptop në dorë teksa futbollisti i cili po studion është mbrojtësi italian, Rikardo Kalafjori. 18 vjeçari është futbollist i cili ka dalë nga akademia e Romës dhe cilësohet si një ndër talentet më të mëdha në futbollin italian.
Si duket, Murinjo do e mbështesë projektin e ri të skuadrës së Romës, tek talentet teksa përpiqet që herë pas here t’i frymëzojë duke i surprizuar me veprimet e tij.
